Profile # 98 Imtiaz Ahmed Dahri (PST - GBPS Raj Muhammad Dahri) امتياز احمد ڏاھري
.png)
محترم جناب سائين امتياز احمد ڏاهري صاحب پهرين جنوري 1989ع تي ڳوٺ راج محمد ڏاهري ، تعلقو دولتپور ، ضلعو شهيد بينظير آباد ۾ پيدا ٿيو ـ هن ابتدائي تعليم پنهنجي اباڻي ڳوٺ جي پرائمري اسڪول مان حاصل ڪئي ـ مئٽرڪ جو امتحان روشن تارا هاءِ اسڪول مورو مان پاس ڪيائين ـ انٽر جو امتحان گورنمنٽ مهراڻ ڊگري ڪاليج مورو مان پاس ڪيائين ـ هن قائد عوام يونيورسٽي آف انجنيئرنگ ، سائنسز اينڊ ٽيڪنالاجي نوابشاھ مان ڪمپيوٽر سائنس ۾ بي اي جي ڊگري حاصل ڪئي ـ هن شاھ عبداللطيف يونيورسٽي خيرپور مان بي اي جي ڊگري پڻ حاصل ڪئي ـ هن علامه اقبال اوپن يونيورسٽي ، اسلام آباد مان پاڪستان اسٽڊيز ۾ ماسٽرس حاصل ڪئي ـ هن علامه اقبال اوپن يونيورسٽي اسلام آباد مان بي ايڊ جي پروفيشنل ڊگري حاصل ڪئي ـ
هن عائشه اسٽيل ملز ۽ النور ايم ڊي ايف بورڊ پرائيويٽ لميٽيڊ ۾ انفارميشن ٽيڪنالاجي انجنيئر طور ڪم ڪيو آهي ـ هن تعليم کاتي ۾ ايس ٽي ايس جي ٽيسٽ پاس ڪئي ۽ کيس 21 اپريل 2010ع تي گورنمنٽ بوائز پرائمري اسڪول جروار ڏاهري ۾ پي ايس ٽي طور مقرر ڪيو ويو ـ هن وقت دولت پور تعلقي جي گورنمنٽ بوائز پرائمري اسڪول راج محمد ۾ پنهنجا فرض سرانجام ڏئي رهيو آهي ـ هن چوٿين ۽ پنجين ڪلاسن ۾ پڙهايو آهي ـ هن پاڪستان نيوي نسٽ ڪاليج ، ڪراچي مان نيٽ ورڪنگ ۽ سسٽم ايڊمنسٽريشن جي تربيت حاصل ڪئي آهي ـ
سندس ڏاڏو زميندار آهي ۽ سندس خاندان جو تعلق تعليم يافته پس منظر سان آهي ـ سندس والد بشير احمد ڏاهري گورنمنٽ بوائز هاءِ اسڪول عاقل راهو جو پرنسپال آهي ـ هو پنهنجي ڀائرن ۾ وڏو آهي، جڏهن ته سندس هڪ ننڍي ڀاءُ پاڪستان اسٽيل ملز مان ايسوسيئيٽ انجنيئرنگ ۾ ڊپلوما ڪيو آهي ۽ ٻئي ڀاءُ جو پنهنجو ڪاروبار آهي ـ سندس مائٽ انجنيئر غلام حسين ڏاهري النور ايم ڊي ايف بورڊ جو مئنيجر آهي ـ
سندس بهترين استادن ۾ پاڪستان نيوي ڪراچي مان سر اياز احمد قريشي ۽ سر سيد فيصل شامل آهن ـ
هن جو مشغلو ڪتابن جو مطالعو ۽ نيٽ ورڪ ۽ آئي ٽي ۾ پنهنجي فيلڊ ۾ ڪم ڪرڻ آهي ـ هو ڪوڙ ڳالهائيندڙ ماڻهن کي ناپسند ڪندو آهي ـ هو محنتي ماڻهن ، محنت ۽ خلوص سان انهن جي جذبي کي ساراهيندو آهي ـ
هن شاگردن ۽ عام ماڻهن کي هنن لفظن ۾ پيغام ڏنو: ”محنت ڪريو ۽ ڪو رتبو حاصل ڪريو ۽ غريبن ۽ مسڪينن جي مدد ڪريو ـ پنج وقت نماز پڙهو“ـ
سنڌ ايجوڪيٽرز جي ٽيم سائين جن جي خدمتن کي سلام پيش ڪري ٿي ـ
Comments
Post a Comment